Ingrid Ose

Ingrid Ose har sidan 2023 vore tilsett som alternerande solofløytist i Kristiansand Symfoniorkester. Ho vann stillinga i løpet av det siste året sitt på masterstudiet i Lyon i Frankrike, der ho studerte med Julien Beaudiment, Emmanuelle Réville og Gilles Cottin.

Ingrid arrangerer også kammermusikkfestivalen Ose Kammerspel saman med systera si. Festivalen blir arrangert årleg i mars. Dei siste åra har ho i tillegg spelt på fleire kammermusikkfestivalar rundt om i landet, som Norsjø Kammermusikkfest, Kristiansand Kammermusikkfestival og Fjord Classics.
Ingrid var også gjest ved den Internasjonale fløytefestivalen i Qingdao i Kina, der ho heldt solokonsertar og mesterklasser. Nyleg var ho hovudgjest under Fløytedagane i Skien, med både solorecital og undervisning. Ho har òg halde mesterklasser for høgskulestudentane ved Barratt Due musikkinstitutt, og skal tilbake dit i mars.